LEGAZPI CITY—Irido an sarong lalaki makalihis na pagtatagaon sa Barangay Cadandanan, Bulan, Sorsogon.
Segun ki Bulan Municipal Police Station, Chief of Police, Police Lieutenant Colonel Virgil Bibat, sa intrevista kan Bombo Radyo Legazpi, na mantang nag-iinom an biktima bigla na sanang nagsulpot an suspek asin pinagtataga ini gamit an itak.
Natamaan an biktima sa may parte kan saiyang liog asin talinga asin tulos man ining dinara sa ospital para sa atensyong medikal.
Segun sa opisyal na sa presente nasa maray nang kamugtakan an biktima.
Dugang kan opisyal na posible suboot na nasa impluwensya nin arak an suspek kan nagibo kaini an paninigbas.
Napag-araman na haloy nang may dae pagkasinabutan an biktima asin suspek asin nagkapikunan kan nangyari an insidente.
Nasa kustodiya na kan Bulan Municipal Station an suspek asin posibleng mahampang sa kasong Frustrated Murder.
Mientrastanto, pangapudan man kaini sa mga opisyales kan barangay na pwedesir sindang mag-implementar nin pagsita durante kan pagpapatrolya nin mga barangay tanod urog na sa mga nag-iirinuman sa pampublikong lugar nganing maibitaran an siring na mga insidente.
