LEGAZPI CITY- Nagpaparahay ngunyan sa ospital an sarong lalaki makalihis na tigbason sa Sitio Minso Barangay San Ramon, banwaan kan Rapu-Rapu.
Nauli sa maraot na pangyayari an dapat na magayon man sanang intensyon kan biktimang si Alfred Degredo, 30-anyos na papunduhon sa pag-iiwal an suspek na si Deomedes Villanueva, 57-anyos asin an saiyang tugang na si Orlando Degredo.
Tinigbas ni Villanueva si Degredo mantang nag-aawat sa iwal ninda kan tugang kaini.
Tulos na nagdulag an suspek sa dae pa maaraman na direksyon mantang idinalagan sa ospital an biktima para sa tratamentong medikal.
Nagkukundusir ngunyan nin hot pursuit operation an Rapu-Rapu Municipal Police Station para sa ikaaarestar kan nasambitan na suspetsado.
