LEGAZPI CITY — Iniimbestigaran na ngunyan kan mga otoridad an totoong istorya sa likod kan pagkagadan kan sarong lalaki sa laog kan bus na biyaheng Sorsogon.
Sa istorya kan saro sa mga pasahero, huring nahiling na buhay an pasaherong si Jun Gonzaga sa parte kan Pamplona, Camarines Sur kun saen chineck man kan konduktor an mga pasahero kaini.
Ikinakigkig na sana suboot kan mga ini kan mahiling na nakaluhod sa bus an nasabing lalaki na binalo pa kutang matahon kan mga ini sa pagpensar na nangiturog sana ini alagad huri na kan marisa kan mga kairiba kaini sa nasabing lunadan na wara na ining buhay.
Inihatod na kan bus na pigmamanehar ni Alberto Ergina an bangkay ni Gonzaga sa sarong punerarya sa Brgy. Cumadcad, Castilla, Sorsogon ngane isairarom sa mas hararom na pagsusuri ngane maaraman an rason kan pagkagadan kaini.
Sa dae piglalaomang pagkagadan ni Gonzaga, nawalat kaini an tulong aki na kaiba man sa nasabing bus asin ngunyan itinurn-over na muna sa pag-ataman kan Municipal Social Welfare and Development Office kan Castilla.
