LEGAZPI CITY- Dae maako kan bilog na pamilya an nangyari sa sarong 19-anyos na lalaki gikan sa Brgy. Macabog, Sorsogon City sa kamot kan dae pa nabibistong mga suspek.
Katakod ini kan nairehistrong insidente nin pambabadil sa Purok 1, Brgy. Pangpang sa parehong syudad na karani sana kan sarong ospital.
Sa inisyal na imbestigasyon, nagluwas suboot nin harong an biktimang si Kenneth Dichoso bandang alas 9:30 kasubanggi kan dulokan ini kan duwang armadong lalaki na lunad nin sarong motor.
Pinauranan nin putok an biktima hasta sa magbagsak sa daga mantang marikas man na nagdulag an riding in tandem.
Nagtitinir na blangko an mga otoridad sa pagkabitso kan mga suspek huli ta nakasulot an mga ini nin face mask kan isagibo an krimen.
Mientrastanto, nagsapar an biktima nin kritikal na tama nin bala sa payo, daghan asin walang takyag na idineklarang dead on the spot.
Dae pa maaraman kan mga otoridad an motibo sa nangyaring pambabadil.
