LEGAZPI CITY—Sarong lalaki an naarestar sa kinundusir na buy-bust operation kan Sorsogon City Drug Enforcement Unit, Provincial Drug Enforcement Unit, asin Philippine Drug Enforcement Agency – Sorsogon sa Barangay Rizal, West District, Sorsogon City.
Segun ki Sorsogon PPO PIO PMAJ Arwin Destacamento, sa intrevista kan Bombo Radyo Legazpi, an suspetsado pigkonsiderar na newly street-level individual asin nakumpiskar digdi an transparent plastic sachet na may laog na pinagtutubudang shabu.
Dugang kaini na nakumpiskar man digdi an pocomas o menos 0.3 gabat nin pinagtutubudang shabu kaya sumatotal igwa nin 6 gramos an nakumpiskar sa suspetsado asin may kantidad an mga ini nin maabot sa P4,180.
Segun sa opisyal na dae man suboot ninda pighahale an posibilidad na may kairiba pa an suspetsado.
Sa presente, nasa kustodiya na kan Sorsogon City Police Station ini asin mahahampang sa kasong pagbalgar sa Republic Act 9165 o Comprehensive Dangerous Drugs Act of 2002.
