Sarong 57-anyos na lalaki an nasentensiyahan nin tulong semanang pagkakakulong pagkatapos na magpahiling nin bako maninigong gawi sa sarong pampublikong tren, na suboot resulta kan haloy nang emosyonal na kasakitan asin tensyon sa saiyang relasyon.
Susog sa imbestigasyon, si Cheng Choong Peng nag-ako nin kasalan sa krimen na public nuisance pagkatapos na madakop na nagsasadiri sa sarong MRT train kan Mayo 20, 2025.
Sa dae piglalaoman na pangyayari, nagkapirang patak nin semilya an tuminalsik sa pantalon kan sarong babaeng pasahero na tulos na nagsumbong sa pulis.
Sa saiyang pahayag, ilinadawan ni Cheng an padagos na tensyon skan pag-iibahan sa saiyang agom.
Sinabi niya na permi siyang pigsasayumahan kan saiyang agom kun naghahanap siya nin intimacy, na nagigin rason kan saiyang pag-eksperyensya nin labi-labing pagkadisganar.
An kawaran nin emosyonal asin pisikal na koneksyon an nagtulak saiya na gumibo nin mga bako katanggap-tanggap na mga lakdang sa sarong pampublikong lugar.
Mantang an saiyang mga aksyon an bako katanggap-tanggap, an nagkapirang eksperto nagtao nin duon na an pangyayari pwedeng huli sa kakulangan nin suporta sa salud nin isip relationship counseling, partikularmente para sa mga lalaki na nasusupog na maghagad nin tabang.
Susog sa Straits Times, si Cheng nasentensiyahan nin tolong semanang pagkapreso pagkatapos kan saiyang pag-tuga sa korte.
Sa irarom kan ley kan Singapore, an siisay man na mapatunayan na nagkasala nin public nuisance an pwedeng mapreso nin sagkod sa tolong bulan o magmulta nin sagkod sa $2,000, o pareho.
Mientras tanto, naghagad na nin dispensa an akusado sa babaeng apektado, asin nangako na dai na mauutro an nasabing insidente.
Padagos man an pagpagiromdom kan mga otoridad sa publiko na igalang an mga pampublikong lugar asin maghagad nin tabang kun may inaatubang na personal na problema.
