LEGAZPI CITY – Pig-reactivate ngonian na semana santa kan Castilla Municipal Disaster Risk Reduction and Management Office (MDRRMO) an Lakbay Katrangkiluhan Motorist Assistance Center sa provincia kan Sorsogon.
Segun ki Castilla Municipal Disaster Risk Reduction and Management Office (MDRRMO) head Edgar Ardales sa intrevista kan Bombo Radyo Legazpi na an nasabing inisyatiba an programa kan lokal na gobierno kan banwaan siring man sa gobierno provincial kan Sorsogon nganing magtaong tabang asistensya sa mga motorista ngonian na semana santa asin summer vacation.
Gusto ninda na mapanatag an mga biyahero asin bisita na mapasiring sa saindang lugar kun kaya pig-reactivate ninda an nasabing center.
Kompwesto an nasabing inisyatiba kan Philippine National Police, Bureau of Fire Protection, Castilla Municipal Police Station, Municipal Health Office, asin manlain-lain na volunteer groups.
Pigtaram pa kan opisyal na huli sa kakulangan nin tawo, sarong center sana an ipigbugtak alagad may saro man saindang team na pwedesir makaresponde sa manlain-laing lugar sa banwaan kun may nangyaring dae piglalaoman na insidente.
Magayon suboot ngonian huli ta dakol an saindang katabang sa pagresponde nin anumang klase nin insidente sa saindang banwaan ngonian na semana santa.
Pagirumdom ni Ardales sa mga motorista asin byahero na nag-aagi sa mga kakalsadahan kan Castilla na dae magduwang isip na maghagad sainda nin asistensya sa saindang ofisina nganing matawan nin magkakanigong tabang.
 reactivated the Lakbay Katrangkiluhan Motorist Assistance Center in the province of Sorsogon this Easter week.){kind=link}