LEGAZPI CITY — Piglalaoman na suboot ni Albay Rep. Edcel Lagman na ibabasura an isinumiteng impeachment complaint kontra kay Comission on Election (Comelec) Chairman Andres Bautista.
Idineklara kan House justice committee na insufficient in form an impeachment complaint sa botong 26-2.
Segun ki Lagman, ini dapat an resulta kun susunudon an immediate precedent kun sain pigtutukoy kaini an saro sa duwang impeachment complaints kontra kay Chief Justice Maria Lourdes Sereno na ibinasura huli sa depektibong beripikasyon.
Sinabi kan lehislador na kun susunudon an desisyon kan committee on justice dapit sa pagiging insufficient in substance kan reklamong isinangat ninda Atty. Eligio Mallari asin Dante Jimenez, an patakaran an dapat siring kan pagberipika kan reklamo ninda Jacinto Paras asin Ferdinand Topacio.
Ipighurot kaining dae dapat inako kankomite ni Oriental Mindoro Rep. Reynaldo Umali an “substitute verification” na isinumite ni Paras asin Topacio kan Setyembre 13.
Kun kaya sinabi suboot ninda na kaipuhang sunudon an original verification na tinukoy sa komite.
