LEGAZPI CITY-Ipigbuyagyag ni Senador Panfilo “Ping” Lacson na may mga impormante asin mga testigo na suboot na mawot magtao nin impormasyon asin ebidensya laban ki dating Senate President, Senator Alan Peter Cayetano, makalihis suboot na inatake siya kaini sa isyu kan saiyang integridad.
Sa sarong pahayag, sinabi ni Lacson na pigbibilang na niya an mga tawong gustong mag-atubang ngani magtestigo laban ki Cayetano na posibleng magdara sa senador sa karsel.
Nagpoon an mainit na alitan kan duwang senador makalihis na kwestyunon ni Cayetano an paglangkaw kan idineklarang net worth ni Lacson sa saiyang Statement of Assets, Liabilities and Net Worth (SALN).
Bilang kasimbagan, nanindugan si Lacson na lehitimo an paglangkaw kan saiyang yaman huli ta halos tulong taon na siyang wara sa gobierno asin nagkukua sa gobyerno asin nagkukua sa pribadong sektor, bagay na suboot mahihiling sa saiyang income tax returns sa 2023 asin 2024.
Kasabay kaini, inakusaran man ni Lacson si Cayetano kan suboot P6.79 billion na “pork barrel-like” budget insertions sa 2025 General Appropriations Act (GAA) asin pigbuyagyag an suboot “ghost” flood control projects sa Taguig City.
Sa huri, nanindugan si Lacson na an saiyang integridad iyo an pinaka-importanteng bagay na saiyang pigbabantayan sa laog kan saiyang labing limang dekada sa serbisyo publiko asin dae niya tutugutan na madanyaran ini kan mga alegasyon kontra saiya.
