Binuking ni Senador “Ping” Lacson an suboot dae mababa sa P51.82 bilyong kantidad kan malabog na “distinct” insertions sa 2026 National Expenditure Program (NEP), na mawot niyang ipa-realign sa mga programang nasususog sa Philippine Medium-Term Development Plan.
Segun kay Lacson, naka-alokar an pondong ini para sa flood management program sa Metro Manila asin Regions 1 (Ilocos), 2 (Cagayan Valley), asin 3 (Central Luzon).
Nagkasundo man suboot siya asin si Senate Finance Committee Chairman Senador Sherwin Gatchalian na tanggalon an pondo para sa mga proyektong kaduda-duda asin ilipat sa mas makabuluhang programa.
Kasabay kaini, nakipag-koordinar sinda sa Department of Budget and Management (DBM) asin Department of Public Works and Highways (DPWH) nganing syertuhon na an magigin amendments an tugot sa direksyon kan gobyerno.
Sa briefing kan Development Budget Coordination Committee (DBCC), nilatag ni Lacson an listahan kan mga proyektong tinukoy niya bilang kaduda-duda, kabale an:
88 items na tig-P150 milyon an kantidad kan kada saro o kabilugang P13.2 bilyon;
373 items na tig-P100 milyon kada saro o kabilugang P37.3 bilyon; asin
11 items na tig-P120 milyon kada saro o kabilugang P1.32 bilyon.
Pagdoon ni Lacson, saro ining klase nin “coded budget” na nakalaag kun kay sisay napapaduman an mga proyekto.
Dagdag pa niya, kadakol sa mga ini an warang stationing o syerto na lokasyon, na indikasyon kan mga ghost project.
Katakod kaini, ipigsuhestyon kan senador an pagkakaigwa nin executive session nganing maaraman kan mga kapwa mambabatas kun aring development programs dapat ilipat an mga nasabing pondo.
Mientrastanto, inasigurar ni Budget Secretary Amenah Pangandaman na makikipag-koordinar siya kay DPWH Secretary Vince Dizon mapadapit digdi.
Segun kay Lacson, an pagsawsaw kan pirang kontratista asin mambabatas sa pagpapa-otob kan proyekto an rason kun ngata nangyayari an mga insertion sa NEP.
Ibinunyag man kan senador na may partisipasyon suboot an pirang opisyal kan DPWH sa amay na insertions.
Ipigsiwalat niyang nakatanggap nin apod kan staff ni Senate Minority Leader Vicente Sotto III hale sa sarong representante kan DPWH na naghahagad nin proyekto nganing maisingit sa NEP.
Nagnigar si Sotto asin sinabing dae siya matugot na magsumite nin siring kaining proyekto.
, which he wants to realign with programs in line with the Philippine Medium-Term Development Plan.){kind=link}