Puminakol sa labi 900,000 na mga Pilipino an nakinabang sa medical assistance sa irarom kan Assistance to Individuals in Crisis Situation (AICS) program kan DSWD.
An datos na ini an sa laog nin enot na anom na bulan kan presenteng taon.
Basado sa datos kan operations Group Crisis Intervention Unit kan ahensya, maabot sa kabilogang 953,560 individuals an saindang natabangan.
Katumpad ini kan labi P8.5 billion na medical aid na saindang naibarewas.
Gikan sa nasabing numero kan mga benepisyaryo, maabot sa 670,825 clients an nagresibi nin cash assistance na tig P10,000 mantang nasa 282,735 an naisyuhan nin guarantee letters nganing magamit sa hospitalization costs, medication, asin diagnostic procedures.
Segun ki DSWD Asec. Irene Dumlao, an biglaang helang o medical emergency an pwedesir magkawsa nin kadificilan sa kada pamilyang Pilipino.
Enot nang nagkaigwa nin isyu sa pagtao nin Assistance to Individuals in Crisis Situation (AICS) program kan nakalihis na eleksyon huli sa pagsahot na piggagamit suboot ini kan mga pulitiko sa pangangampanya bagay na pignigaran man kan ahensya.
