Labi sa 5,000 na foriegn workers kan Philippine offshore gaming operators (POGO) an nagpalyar na mag-downgrade kan saindang mga Visa sa tahaw iyan kan ginigibong effort kan gobyerno.
Segun kay Justice Secretary Jesus Crispin Remulla, dae na tutgutan na magtrabaho pa an mga nagpalyar na i-downgrade an saindang mga Visa.
Kung magigirumduman kan Oktubre 15 an deadline na itinalaan kan gobyerno para sa mga foriegn workers kan POGO.
An visa downgrading ay magtataong dalan kuta sa mga naunambitang foreign workers na ibalik an saindang status hale sa working visa magigin sarong temporary visa ini asin maging dalan man para legal na makapagtrabaho sa nasyon sa laog nin 59 days.
Sa datos kan Bureau of Immigration labi sa 12,000 an mga foreign workers sa mga pinasaradong POGO an nag-apply para sa pag-downgrade kan saindang working Visa.
Huli digdi, nagpagirumdom man an DOJ na gabos na foreign workers na nagpalyar sa pag-downgrade kan mga visa an ikukunsidirar na illegal aliens.
