LEGAZPI CITY- Nakumpiskar kan Tabaco City Veterinary Office an labi sa 30 kilos nin karneng urig sa Barangay Matagbac na dae nag-agi sa tamang proseso.
Segun ki Tabaco City Veterinary Office meat inspector Jose Ernesto Ros sa intrevista kan Bombo Radyo Legazpi na dae nag-agi an nasabing mga karne sa ante mortem asin post mortem sa slaughter house.
Aram man suboot kan mga paratienda na mahigot na ipinagbabawal an pagkakatay na dae naga agi sa slaughterhouse alagad igwa man liwat na dae nagsusunod.
An nasabing nakumpiskar na karne an sinulo bilang parte kan pag-dispose kaini.
Segun ki Ros na peligroso sa salud kan tawo an pagkonsumo kan mga karneng dae nag-agi sa tamang proseso huli ta posible ining maging kontaminado.
Nagpatanid man an opisyal sa mga meat dealers na dae nagsusunod sa ley na posible sindang mapatawan nin penalidad o posible man na masundan nin kaso.
