LEGAZPI CITY-Liwat na nagkondusir nin wheel clamping sa mga behikulong iligal na nakaparada sa mga kakalsadahan sa ciudad kan Legazpi.
Segun ki Legazpi City Public Safety Office Head Octavio Rivero, sa intrevista kan Bombo Radyo Legazpi na obheto ninda na maibitaran an gabat nin trapiko orog na ngonian na Christmas season.
An lakdang pigsasagibo huli sa mga iligal na nakaparada sa gilid kan tinampo kun sain kabi sa 20 behikulo na an na-sampolan nin wheel clamping.
Nagtatao man sinda nin warning alagad daing pigpipili pagabot propesyon o anuman na trabaho an mga nagbabantay na personahes.
Abiso kan opisyal sa mga may darang behikulo orog na sa mga nagbibisita sa ciudad na dai magparada kan mga behikula sa pinagbabawal na lugar huli sa nagkakawsa ini nin gabat sa trapiko sa mga agihan sa ciudad.
