LEGAZPI CITY—Nagpartisipar an nasa 100 na indibidwal sa ginibong Skills Training and Livelihood Orientation an Public Employment Service Office (PESO) Legazpi sa pakikipagkoordinar kan Technical Education and Skills Development Authority (TESDA) asin Department of Labor and Employment (DOLE) sa sarong mall sa ciudad.
Segun ki PESO Legazpi Manager, Diosdado Rañeses, sa intrevista kan Bombo Radyo Legazpi, obheto kaini na matabangan an mga job seekers sa saindang skills training na mawot nindang laogan.
Dugang niya na pwedesir na ma-aprobitsaran an skills training sa San Francisco Institute Of Science And Technology (SFIST) sa banwaan kan Malilipot, Albay o sa TESDA Guinobatan.
Segun man sa opisyal na nakaresibe man nin certificate of training an mga nagpartisipar na itatao kan TESDA asin kan saindang ofisina.
Mientrastanto, naghihingoa man an opisyal na magigin matrayumpo an gigibohon na job fair ngunyan na aldaw nin Biyernes, Pebrero 20, sa sarong mall kan nasambitang ciudad.
