LEGAZPI CITY—Maabot sa 33 eskwelehan sa provincia kan Albay an ginamit bilang evacuation center na istaran kan mga residentes na apektado kan pag-alburoto kan Bulkang Mayon.
Segun ki Schools Division Office Albay Spokesperson Froilan Tena, sa intrevista kan Bombo Radyo Legazpi, piglalaomang igwa nin ma-ebakwar na mga residentes sa nagkapirang eskwelahan gikan sa munisipalidad kan Bacacay, Malilipot, Sto. Domingo, Daraga, Camalig asin Guinobatan.
Pwedesir man na okuparon an kada classroom nin tolo sagkod apat na pamilya, alagad, may nagkapira man na classroom an dae ipapagamit huli sa mga bagay na posibleng maraot digdi.
Dugang niya na na-activate na man ninda an focal person sa kada eskwelahan para sa saindang mga mga masunod na estratehiya puon pa kan primerong aldaw na itinaas sa Alert Level 2 an bulkan.
Mientrastanto, plano man na mag-implementar man nin alternative delivery mode sa mga apektadong estudyante sa paagi nin modular kun sain igwa nang kanya-kanyang estratehiya an kada eskwelahan kun pano dadarahon an mga module.
Siring man na en kaso igwang kuryente, signal o internet connectivity an pwedesir man na i-implementar an asychronous learning.
Nakiulay man an opisyal sa mga residenteng nagtetenir sa mga eswkwelahan na ingatan an mga kagamitan digdi, asin kun ano man an maayos na naabutan sa lugar an siertohong iyo man an ini an magigin estado sa saindang paghale.
Pigtawan-doon man kan opisyal na an saindang opisina an may nakapreparar na polisiya o pigsusunod mapadapit sa mga siring na kalamidad.
