Maabot sa 15.6 milyon na dayuhan an nagbisita sa nasyon kan nakaaging taon.
Segun sa Bureau of Immigration, kabale na ngonian sa numero an mga hale sa ibang nasyon asin mga foreign nationals.
An naunambitang numero an mas halangkaw nin anom na porsyento kompara kan 2024, na igwa nin labi 14.7 milyon.
Sinabi ni Immigration Commissioner Joel Anthony Viado na kadaklan sa mga foreigners na nagbisita sa nasyon an hale sa South Korea, sinundan kan US, Japan, China asin Australia.
