LEGAZPI CITY—Nakapagrehistro an sarong election watchdog nin labi sa 100 na insidente nin vote-buying durante sa aldaw mismo kan eleksyon kan Mayo 12, 2025.
Segun ki Director for Electoral and Technological Policies Legal Network for Truthful Elections (LENTE) Atty. Helen Graido, sa intrevista kan Bombo Radyo Legazpi, na saro sa mga modus na nai-report sainda iyo an pagtao suboot nin card bago an pagboto, asin makalihis an pagboto an saka itatao an ‘card’ nganing iribay suboot ini nin kwarta.
Segun sa opisyal na maski alas-6 nin banggi kan eleksyon, igwa man liwat na naoobserbaran na vote buying.
Igwa man suboot nin mga nagkapirang persona an nagsunad nin reklamo alagad kaipuhan pang i-follow up ini kan saindang grupo huli ta kinakaipuhan pa nin mas dakol na impormasyon sa nasambitang vote-buying incidents.
Mientrastanto, abiso man ni Atty. Graido sa mga botante na padagos na mag-monitor para sa random manual audit kan resulta kan eleksyon ngunyan na aldaw, Mayo 14.
Nangapudan man ini sa publiko na pwedesir i-report sa saindang grupo an mga kandidato nag-obserbar nin state of abuse resources durante kan panahon nin pangangampanya asin eleksyon.
