LEGAZPI CITY—Nanumpa nin katapatan sa gobierno an nasa 160 dating rebelde an nanumpa sa katapatan sa gobierno katakod kan ginibong aktibidad na Ceremonial Withdrawal of Allegiance from the CPP-NPA-NDF and Reintegration of Former Rebels sa Provincial Gymnasium, Capitol Compound, Sorsogon City.
Segun ki Sorsogon Police Provincial Office Police Major Arwin Destacamento, sa intrevista kan Bombo Radyo Legazpi, saro ini sa sa mga nagin inisyatibo kan gobierno provincial kan Sorsogon sa irarom kan 7K Katarangkiluhan Program.
An nasabing aktibidad an may epekto nganing magkaigwa nin katoninongan sa nasabing provincia.
Dugang kan opisyal na makalihis na magpuon an nasambitang programa an haros wara na sindang nairerehistrong ano man na atrocities na imbuelto an mga teroristang grupo.
Nasa proseso na man an mga papeles kan mga presenteng 160 na dating rebelde nganing makakua nin mga benepisyo gikan sa manlain-laing ahensya nin gobierno.
Mientrastanto, nangapodan man si Destacamento sa namamanwaan na suportaran an nasabing programa.
En kaso man suboot na may mga bistong indibidwal na imbuelto pa sagkod ngonian sa teroristang grupo asin mawot nang magbalik-loob sa gobierno na bukas an saindang ahensya na tabangan nganing makapagbagong buhay asin makabalik na sa saindang mga padangat sa buhay.
