LEGAZPI CITY – Pigbuyagyag kan sarong kongresista na warang siisay man na pwedesir na mag-initiate kan pagpapalawig kan deklarasyon kan ley martial apwera ki Presidente Rodrigo Duterte.
Ini an katakod kan suhestyon ni House Spekaer Alvarez na ibubusol niya sa mga kaibanan sa kongreso an pagpapalwaig kan nasambitan na deklarasyon.
Sa intrevista kan Bombo Radyo Legazpi ki AKO-Bicol Party-List Rep. Alfredo Garbin, pighayag kaini na kun warang deisyon an punong ehekutibo sa extension kan martial law, otomatiko na ining maili-lift sa Hulyo 22 duwang aldaw antes an ika-duwang State of the Nation Address kan presidente.
Klinaro man ni Garbin na dae niya pigtataram na warang poder si Alvarez na magpahayag kan siring na kamawotan alagad nakalaag suboot sa Saligang Batas na an Presidente sana an kay poder na magpalawig kan martial law declaration asin saka pa sana magkakaigwa nin joint session an duwang kapulungan kan kongreso ngani na mapag-olayan kun igwang bastanteng batayan an propuesto.
