Mawot ni Batangas Rep. Leandro Legarda Leviste na bawasan an tax kan mga tios asin ribayan ini nin buwis sa mayayaman.
Target niyang ibaba sa 10% an value-added tax (VAT) asin kuwaon an nawawarang ganansya kan gobyerno sa paagi kan paghalangkaw sa pig-aapod na wealth tax.
Sa sarong report, tinawan-duon ni Leviste na an mga Pilipino an nagbabayad nin pinakahalangkaw na VAT sa Southeast Asia, kun saen 12% kan gastuson kan kada pamilya an napapasiring sa gobyerno.
