LEGAZPI CITY- Naghihinanakit ngonian an sarong lehislador, bako sana sa pigsasabing salang pag-“quote” ni Presidential Communications Operations Office (PCOO) Asec. Kris Ablan sa pahayag kaini sa pre-SONA (State of the Nation Address) forum kundi sa pagpatol man ni Labor Secretary Silvestre Bello III sa salang pahayag.
Napag-araman na pigsasabing pinaluwas ni Ablan sa dakol na audience na warang nagibong programa an Duterte administration para sa mga Overseas Filipinow Workers (OFWs), mantang agyat sana sa DOLE an binutasan dapit sa mga bagong strategies asin programs para sa rinibong OFWs na nagtatrabaho sa luwas kan Pilipinas.
Sa intrevista kan Bombo Radyo Legazpi ki ACTS OFW Party-list Representative John Bertiz, direktang ipighayag kaini na bako sana “misquoted” kundi “twisted” an naging interpretasyon ni Ablan sa komento.
Bako man konsideradong makatarungan para ki Bertiz na maapod na “warang aram sa mga OFWs” kan mismong amigo asin kaalyadong si Bello, urog na 15 taon siyang nagin OFW mantang kadaklan sa mga programa kan Labor Department an pigkrear kan party-list.
Abiso man ni Bertiz ki Ablan na bilang PCOO, pag-adalan an “constructive comments” asin pagbabariwas nin tamang impormasyon na kun dae kayang gibuhon, maghale na sa posisyon.
