LEGAZPI CITY- Klinaro kan pamayo kan BCERG na si Kagawad Bong Samar na hinali na an komisyon kan saindang mga tauhan gikan sa mga naticketan na tricycle drivers.
Katakod ini kan akusasyon kan transport leader na si Dante Marigondon na mahigos sindang mandakop huli sa P1000 na komisyon sa lambang P3000 na penalidad sa mga nagbabalgar na drayber.
Sinabi ni Samar na totoong igwa nin dating nakukua an BCERG alagad sa pagluwas kan bagong ordinansa, hinali na an nasambitan na insentibo.
Ineksplikar man kaini na ipinagbawal na an paglaog kan mga tricycle sa national highway huli sa gubot kan trapiko.
Ini suboot an nahiling na lakdang kan lokal na gobyerno kan Legazpi City para sa ikararahay kan gabos na motorista asin mga commuters.
Dugang pa kaini, pwedesir pa man na mag-agi sa Rizal St. an mga tricycle kun dae na nin alternatibong ruta pasiring sa saindang destinasyon.
Sinimbag man kan opisyal an pahayag kan saiyang amigo na si Marigondon dapit sa kawaran nin imbitasyon sa public hearing.
Sigon ki Samar, dae man kaya ini pigmimidbid na nailihir na presidente kan Tricycle Operators and Drivers’ Association (TODA) kun kaya dae nakasabay sa pag-oolay dapit sa implementasyon kan No Entering the National Road Policy.
