LEGAZPI CITY—Nagbungkaras an sarong kasulo sa old rectory kan Saint Stephen Protomartyr Parish sa Ligao City.
Segun ki St. Stephen Protomartyr Parish in Ligao City Father Pau Barandon, sa intrevista kan Bombo Radyo Legazpi, na pigporbar nindang palsukon ini gamit an fire extinguisher alagad dae ini kinaya kan ekipahe.
Tulos man suboot na nagresponde an personahes kan Bureau of Fire Protection (BFP) asin Filipino-Chinese volunteers kun kaya nagin madali na napalsok an nasabing kasulo.
Susog sa nagin imbestigasyon kan BFP na nagpuon an kasulo sa kisame, kaya saindang pigsuspetsaran na faulty wiring an kawsa kaini.
Mientrastanto, plano man suboot ninda na i-check an mga wiring kan naunambitang simbahan nganing ma-asigurar na dae na mautro an siring na insidente.
