Nagbago nin campaign strategy an kampo ni United States President Joe Biden makalihis an assassination attempt kay Donald Trump.
Maririsa na hinali na sa telebisyon an campaign ads na nag-aatake sa naging kaso ni Trump asin an kontrobersyal na isyu kaini sa sarong porn star.
Segun sa campaign officials kan Democrats, matutok na muna ngunyan an kampanya si Biden sa pagkondena sa political violence.
Naenot naman na sinabi kan mga political analyst na posibleng nakatabang pa para sa kampanya ni Trump an assassination attempt huli ta kapot na kaini ngunyan an simpatya kan mga botante.
Mientras tanto, isinapubliko na kan Federal Bureau of Investigation an pangaran kan gunman na binistong si Thomas Matthew Crooks, 20-anyos na nagtatrabaho sa Bethel Park Skilled Nursing and Rehab.
Nagadan kan mga nagrespondeng secret service an gunman.
Alagad natamaan nin bala asin nagadan man sa insidente an sarong sibilyan na binistong si Corey Comperatore, 50 anyos.
Duwang persona pa an nalugadan na nagpaparahay naman sa ngunyan sa ospital.
