LEGAZPI CITY-Naresibe na kan Kamara de Representantes (HOR) an abiso hale sa Senate impeachment court katakod kan nakatalaan na pre-trial conference sa kasong impeachment kontra ki Bise Presidente Sara Duterte.
Ipinahayag ini ni House prosecutor asin Bicol Saro Partylist Rep. Terry Ridon.
Basado sa notice na pinirmahan ni Acting Senate President Sherwin Gatchalian, na inatasan an an kampo ni Bise Presidente Sara Duterte asin an House prosecution panel na mag-atendir sa pagdangog sa Senado sa Hunyo 18, sa oras na alas 9 nin aga.
Inatasan man an duwang kampo na magsumiter kan saindang mga pre-trial briefs, bago o sa Hunyo 15.
Dapat man suboot na ipahayag an mga napagkasunduang katotoohan, mga isyung kaipuhan resolberan, asin listahan kan mga ebidensya asin testigo na ipepresentar sa paglilitis.
Dai man magigin bukas sa media asin publiko an pre-trial conference ngani mapadali an talakayan asin masiertong maayos asin marikas an pag-usad kan kaso.
Segun pa ki Ridon, an pre-trial conference an maserbing giya sa schedule asin mga prosesong susunudon sa impeachment trial.
