Legazpi City- Pinaglalaoman na kan mga paraoma sa Bicol an pagpupuon kan kaenot-enoteng Drone voucher na kung sain ay dakula an maitatabang sa monitoring kan mga paraoma asin kan D.A Bicol.
Sa intrevista kan Bombo Radyo Legazpi kay Lovella Guarin an tagapagtaram kan Department of Agriculture Bicol, maabot sa P15 million an magiging Drone Voucher sa Bicol.
Obheto kan naunambitang voucher na mapadali an trabaho kan mga paraoma na kun sain ay dae na madidipisilan pa an mga paraoma mabalad asin magkua nin dakol na labor sa pagdirect seeding , pagspray nin mga pesticide huli ta an drone na an gagamiton.
Apwera sa Bicol dakol pang probinsya na planong mapuunan an pagtatanom gamit an drone.
Pinaglalaoman man na sa paagi kan drone ay posible man na maglangkaw an produksyon kan bagas asin iba pang mga agricultural products sa Bicol.
