LEGAZPI CITY- Piglinaw kan bise alkalde kan Guinobatan, Albay na warang halong pamomolitika an ginibong kadiwa program kasuudma, Oktobre 11, na pinangenotan kan National Irrigation Administration kun saen nakabakal nin P29 pesos na kada kilo nin bagas an nasa 500 na residentes kan nasabing banwaan.
Segun kay VM Ann Gemma Ongjoco kan Guinobatan sa intrevista kan Bombo Radyo Legazpi, first come, first served basis an saindang ginibong paagi ngani na dae isipon kan tawo na igwa ining pigpipili na matawan kan nasabing murang bigas program.
Saro sa mga naging benipisyaryo kan baratong bagas iyo an mga residentes kaini na miembro nin Pantawid Pamilyang Pilipino Program (4Ps), Solo Parents, Senior Citizens asin Persons with Disabilities (PWD).
Kada benipisyaryo an pwedesir na makabakal nin 10 kilos nin bagas sa kantidad na Php 290.00.
Dugang pa kan opisyal na saro siya sa naging instrumento ngane na maipaabot sa saindang mga konstituwentes an nasabing programa katuwang an NIA.
Mientrastanto, naghagad man ini nin pasensiya sa mga dae nakapag avail kan murang bigas program huli sa limitado sana ini alagad naglalaom man an opisyal na liwat na magkakaigwa nin kadiwa program sa masunod pang taon
