LEGAZPI CITY—Pighayag kan PNP Bicol na nagin matrayumpo an paglunsar asin pagbubukas kan Kadiwa ng Pangulo program sa Police Regional Office 5 (PRO5) sa Camp Simeon Ola, Legazpi City, Albay.
Segun ki PRO 5 Regional Director Police Brigadier General Andre Dizon, sa intrevista kan Bombo Radyo Legazpi, na bako sana pinilahan kundi naubos tulos an mga ibinugtak digding mga produkto siring kan bagas, gulayon, asin iba pang basic food commodities.
Dakula soboot an nagin pakinabang kan programa sa saindang mga kapulisan, mga miembro kan Philippine Army, Philippine Drug Enforcement Agency asin iba pang ahensya kan gobierno.
Sinabi pa ni Dizon na pangprimerong bes na nagkaigwa kaini sa saindang ahensya asin gigibohon man ini nin duwang beses sa sarong bulan.
Mientrastanto, an nasabing programa an may kamawotan na tawan an mga konsomedores nin access sa de kalidad alagad abot-kayang mga produkto asin barakalon, mantang sinusuportaran man an mga lokal na paraooma asin parasisira.
 at Camp Simeon Ola, Legazpi City, Albay.){kind=link}