Dae suboot inimbitaran an mga kaalyado kan Duterte sa caucus kun saen tinukar an impeachment ni Vice President Sara Duterte.
Segun kay Duterte Youth Party-list chairman Ronald Cardema na makalihis na maaraman na sinabihan an mga kongresista sa Hibabang Kapulungan na magtipun-tipon sa Romualdez Hall kan Miyerkules na hapon, hinapot niya an miyembro kan saindang partido na si Rep. Drixie Mae Cardema kun naresibi niya an parehong advisory.
Alagad wara man suboot na notice katakod sa naunambitang pag-oolay magin sa Viber group kan 19th congress.
An Partido ni Cardema an dating kahanay kan administrasyon hasta sa nabuwag an UniTeam ninda Presidente Ferdinand Marcos Jr. asin VP Sara Duterte.
Ibinuyagyag man ni Cardema na pigtawan promesa suboot an mga mambabatas nin milyun-milyon o daan-daang milyong pondo bago magpirma sa impeachment complaint alagad dae na ini nagtao nin anumang basehan.
Ikinadismaya man ni Cardema an kawaran nin due process sa pag-impeach kan Kamara kay VP Sara na suboot minadali.
