Naglangkaw niin 3.2 % an personal remittances hali sa mga Overseas Filipinos na may katumbas na $3.43 billion kan Hulyo 2024 hali sa $3.32 billion kan Hulyo 2023.
Katakod kaini, an kabilugan na remittances hali sa Enero hasta Hulyo 2024 an nagtalubo nin 3.0% sa $21.53 billion hali sa $20.91 billion na nairehistro kan Enero hasta Hulyo 2023.
Sa mga personal na remittances hali sa mga overseas Filipinos, an cash remittances, na ipinaagi sa mga bangko, an uminabot sa $3.08 bilyon kan Hulyo 2024, na mas halangkaw nin 3.1 % kaysa sa $2.99 billion na nairehistro kan Hulyo 2023.
An paglangkaw kan nasabing cash remittances an huli sa pagtalubo kan mga nareresibe kan mga land based asin sea based na mga empleyado.
Sa year-to-date na basehan, an cash remittances an nagtalubo nin 2.9 % sa $19.33 billion hali sa $18.79 billion na nairehistro kan Enero hasta Hulyo 2023.
