Pinatawan kan NBA nin $75,000 na multa si Philadelphia 76ers center Joel Embiid makalihis na magpahiling nin malaswang hiro sa hampang kan mga fans kan Boston Celtics kan saimdang kawat sa aldaw kan pasko.
Inanunsyar ni NBA executive vice president Joe Dumars an parusa kan nakaaging aldaw.
Sa presenteng season, napagalan si Embiid nin huli sa mga injury asin suspensyon, na nagin rason nganing makapagkawat sana siya sa 9 out of 28 games kan koponan.
Sa ibong kaini, nanggana an 76ers laban sa Celtics sa iskor na 118-114, kun saen nag-ambag si Embiid nin 27 points asin siyam na rebounds.
Sa season na ini, may average siyang 21.3 points, 7.0 rebounds, asin 3.9 assists kada kawat.
