Sinuspinde giraray kan Miami Heat si Jimmy Butler nin duwang kawat makalihis na dae mag-sipot sa team flight pasiring Milwaukee.
Ini na an ikaduwang suspensiyon ni Butler ngunyan na bulan asin enot siyang nasuspinde nin pitong kawat nin huli sa mga gawi na nakaraot sa koponan.
Makalihis an enot na suspensiyon, nagbalik aksyon si Butler kan January 17 asin nagtala nin average na 13 points, 3.3 rebounds, asin 5.7 assists sa tulong kawat.
Sa presente, may average siyang 17 points, 5.2 rebounds, asin 4.8 assists sa presenteng season.
Nin huli sa pinakabagong suspensiyon, dae makakakawat si Butler laban sa Milwaukee Bucks asin Brooklyn Nets.
Magigirumduman na pigsabi kan nakaagi ni Heat President Pat Riley na dae ninda ite-trade si Butler, alagad makalihis an enot na suspensiyon, bukas na an koponan sa mga trade offers.
