LEGAZPI CITY—Mantenidong dakulang agyat para sa mga jeepney driver an pag-implementrar kan jeepney modernization program sa nacion.
Segun ki Sorsogon Integrated Transport Federation President Ramon Dealca, na kun dati an mga operator kan jeepney wara nang iisipon na babayadan alagad huli sa modernisasyon kaipuhan na mag-utang nin milyones para makapagkrear nin panibagong kooperatiba asin para makabakal nin mga modernized jeepney.
Pigtaram pa kaini na kun dati an operator nasa sainda an ganansya sa pagpasada kan jeep, alagad sa ngunyan na kooperatiba na an nagpapadalagan—kun saen en kaso na dae magigin magayon an operasyon posibleng dae sinda makakakua nin ganansya.
Dugang kan opisyal na kan dae pa nagmo-modernize nin jeep, an drayber libredo suboot an saindang kakaunon asin iba pang benepisyo alagad sa ngunyan dae na ini naoobserbaran huli ta sweldohan na an mga drayber sa saindang mga kooperatiba.
Tinawan-doon man kaini na dae napag-adalan nin marhay an modernisasyon.
Mientrastanto, nangapudan man ini sa gobierno i-review liwat an pag-implementar kan jeepney modernization program ngani man na makatipid sa sektor kan transportasyon.
