Naglansar liwat an Israel nin mga panibagong air strikes sa Tehran asin pinalawig an military campaign kaini, kaiba an mga pag-atake sa mga militanteng Hezbollah na suportado kan Iran sa Lebanon.
Sinabi kan Israel na pigpupuntirya kaini an mga lugar na konektado sa Shi’ite Muslim armed group kan Lebanon, saro sa mga mayor na kaalyado kan Iran sa Middle East, pagkatapos na aminon kan Hezbollah na naglansar sinda nin mga missile asin drone pasiring sa Israel bilang balos sa pagkagadan ni Supreme Leader Ali Khamenei kan Iran.
Sinabi kan Israeli military na na-intercept ninda an sarong projectile na piglansar hale sa Lebanon, mantang an iba nagtama sa mga open areas sa nasyon.
Naglansar an Israel nin mga airstrikes sa mga kontroladong lugar kan Hezbollah sa Beirut ngonian na aldaw.
Huli digdi, dakul na mga namamanwaan an nag-ebakwar, na nagkawsa nin gubot nin trapiko, makalihis an sunod-sunod na pag-atake kasubagong maagahon.
