Kinondenar kan Iran an pag-atake kan Israel sa Lebanon asin inapod ining seryosong pagbalgar kan ceasefire sa pagultanan kan Estados Unidos asin Iran.
Segun ki Deputy Foreign Minister Saeed Khatibzadeh, 203 katawo an nagadan sa pag-atake, base sa sarong report gikan sa health ministry kan Lebanon.
Sinabi man kan Iran na bubuksan kaini liwat an Strait of Hormuz kun an Estados Unidos an mapondo kan mga agresibong lakdang kaini sa rehiyon.
Mientrastanto, ipigdoon ni US President Donald Trump na magtetenir an mga pwersa kan Estados Unidos sa Gitnang Silangan sagkod na dagos na masunod kan Iran an kasunduan sa tigil-putukan, na sinabi niyang kabali an pagpugol sa mga nuclear weapons asin pagbukas kan Strait of Hormuz.
Alagad, dae pa malinaw an eksaktong napagkasunduan sa ceasefire agreement, mantang igwa nin magkaibang report manungod sa pagbukas kan nasabing strategic oil route.
