LEGAZPI CITY – Nauli sa pananaksak an saro man sana kutang inuman kan stepfather asin kan saiyang stepson sa Barangay Poblacion, Mandaon, Masbate.
Segun ki Mandaon Municipal Police Station Investigator Police Corporal Vejon Yamson sa intrevista kan Bombo Radyo Legazpi na kan pagresponde ninda sa lugar an nadukayan nindang may tama sa payo an padrasta na tulos man nindang idinara sa pinakaharaning hospital.
Base man sa saindang imbestigasyon an nasa katahawan kan inuman an duwa kan magpoon na mag-init an pag-oolay kan suspetsadong stepson asin kan biktimang stepfather.
Huli sa mainit na argumento an pinasa kan suspetsado an sarong bote nin arak asin itinusok sa payo kan biktima.
Alagad pigtaram pa kan opisyal na dae man suboot ipinadagos kan biktima an pagsusunad nin kaso laban sa suspetsado kundi nagsunad na sana nin affidavit.
Huli sa naunambitang insidente an plano na nindang magbugtak nin curfew kun sain tutugutan sana an pag-iinom nin sagkod alas-10 nin pagkabanggi nganing dae na mautro pa an nangyaring insidente.
Pangapodan ni Yamson sa publiko na kun nag-iinom nin arak an ipagbugtak ini sa tulak asin bako sa utak nganing malikayan an kariribokan na pwedesir magkawsa sa dae piglalaoman na insidente
