LEGAZPI CITY — Kulungan an binagsakan kan sarong babayi makalihis kaining pagtitigbason an sadiring agom sa Brgy. San Pedro, banwaan kan Bato, Catanduanes.
Sa nagunong impormasyon kan Bombo Radyo Legazpi, kakatapos pa sana suboot magtrabaho ninda Antonio, 63-anyos asin Emma Concepcion, 57-anyos kan magdesisyon na mag-inuman ngani na makapag-relax.
Buyong na an mga ini kan mapasiring an istorya sa sarong detalye kun sain bigla na sanang nagkawsa kan mainit na argumento sa pagultanan kan duwa.
Sa tindi kan iwal kan duwa, kinua ni Emma an sundang sa harong asin tinigbas an nabiglang esposo na nagsapar nin tama sa walang parte kan payo siring man sa ibabang parte kan walang braso.
Nagibo pang makadulag ni Antonio sa dagit kan esposa asin naghagad nin tabang sa mga kapitbahay na madara sa pinakaharaning ospital mantang nagresponde man sa lugar an mga otoridad.
Mientrastanto, nagpaparahay na ngunyan sa ospital an lalaki na dae pa makapanubod sa sinapar na sitwasyon gikan sa saiyang esposa.
