LEGAZPI CITY — Magiging parte na an Mayon Triathlon sa master plan kan gabos na triathlon competitions sa nasyun asin maging sa Asya.
Segun ki Legazpi City Mayor Noel Rosal, nagtao na nin go-signal an Triathlon Association of the Philippines (TRAP) na isabay an Mayon Triathlon sa Asian Cup 2017 na ikokondusir sa bulan kan Agosto.
Segun digdi, ipinaaram saiya kan TRAP an nasabing lakdang kan maging bisita ini sa NTT ASTC Subic Bay International Triathlon.
Na-impress suboot an mga opisyal kan TRAP asin Asian Triathlon Confederation sa ikinundusir na Mayon Triathlon nookan nakalihis na taon na parte kan Ibalong Festival.
Naglalaom si Rosal na maabot sa syudad an nasa 3,tres mil na atleta, kaiba an saindang mga pamilya, team members asin ibang bisita hale sa haros sampulongng nasyun kaiba na an Japan, China, asin Korea.
Positibo an alkalde na magiging paagi ini ngane mapakusog an ekonomiya, turismo asin transport sector kan Legazpi.
Sa ngunyan, naghahanda na an local govenrment unit para sa ikaapat na Mayon Triathlon mantang sinerto ni Rosal na may bastanteng pasilidad an syudad para sa nasabing aktibidad.
