LEGAZPI CITY-Naghalangkaw an inflation rate kan Pilipinas kan nakaaging bulan nin Hunyo ngonian na taon, makalihis an apat na bulan na sunod-sunod paghababa kaini.
Segun sa Phililippine Statistics Authority, naghalangkaw sa 1.4% an inflation poon sa 1.3% kan Mayo.
Nag-uyon ini sa initial forecast kan Bangko Sentral ng Pilipinas na piglalaoman an nasa pagultanan nin 1.1% hasta 1.9% an inflation rate sa bulan nin Hunyo.
An bilog na inflation para sa taong 2025, nasa 1.8%, na mas hababa man giraray sa target kan gobyerno na 2% hasta 4%.
Sinabi ni National Statistician Claire Dennis Mapa na an enot na rason kan paghalangkaw,iyo an makaskas na paghalangkaw kan presyo nin pabahay, tubig, kuryente, gasolina, asin iba pang fuel.
Naghalangkaw man an presyo sa kategoryang ini nin 3.2%, na igwang pinakadakulang ambag na 63.3% sa bilog na inflation.
