LEGAZPI CITY—Pigtaram kan Department of Trade and Industry Bicol (DTI Bicol) na dapat nang matabangan asin mare-enhance an pananom kan mga Abaca sa probinsya nin Catanduanes huli sa sinapar kaining destroso kan mga nakalihis na kalamidad.
Segun ki Joseph Rañola, an assistant regional director kan DTI Bicol, sa intrevista kan Bombo Radyo Legazpi, na dapat na mare-develop an industriya kan Abaca sa rehiyon kan Bicol lalo na sa probinsya kan Catanduanes na kun saen ipigkonsiderar an lugar na Abaca capital of the Philippines.
Susog sa datos, maabot suboot sa 20,000 na ektarya an sinapar na danyos kan industriya nin Abaca lalo na kan pagrapado kan nakaaging bagyong Pepito sa nakalihis na taon.
Gigibuhan suboot kan ahensya nin mga lakdang para mas matabangan sa pag-recover asin ma-rehabilitate an industriya kan Abaca siring kan padagos na pakikipagkoordinar sa iba pang ahensya sa kun ano an mga dapat na rehabilitation asin recovery measures para sa nasambitang industriya.
