LEGAZPI CITY- Nakapagrehistro nin pagbaba sa index crime sa provincia kan Catanduanes sa enot na anom na bulan kan presenteng taon.
Segun ki Police Major Rosalinda Gaston, Public Informtion Officer kan Catanduanes Police Provincial Office sa intrevista kan Bombo Radyo Legazpi na kan Enero hasta Hulyo 2023 nakapagrehistro nin 65 na manlain lain na klase nin krimen.
Nagbaba ini sa 59 sa kaparehong peryodo sa presenteng taon.
Basado sa datos, an mga rape cases an nagbaba sa 19 hali sa dating 24 na kaso kan nakalihis na taon asin an kaso kan physical injuries an nagbaba man sa pito hali sa 11 kan nakalihis na taon.
Alagad sinabi kan opisyal na an mga kaso nin panghahabon an naglangkaw hali sa 15 pasiring sa 18 na kaso sa enot na anom na bulan ngunyan na taon.
Sinabi ni Gaston na pighihiling ninda na dakulang tabang an pagkakaigwa nin awareness kan publiko kasunod kan regular na pagpapagirumdom kan mga kapulisan.
Mientras tanto, sinabi kan opisyal na dakula an maitatabang kan publiko sa pagkontrol kan mga insidente nin panghahabon sa paagi kan paglilikay sa saindang mga kagamitan.
Dae suboot makakapang biktima an mga parahabon kun dae tatawan nin oportunidad kan mga namamanwaan.
