LEGAZPI CITY- Welcome development para sa Land Transportation Office Bicol an implementasyon ngonian na aldaw kan Republic Act 10913 o Anti-distracted driving Act kun saen mayor na obheto an maibitaran an mga aksidente sa tinampo.
Sa intrevista kan Bombo Radyo ki LTO Operations Division chief Mar Mahistrado, dawa pa wara pang pormal na nakakapotan na kopya kan implementing rules and reguations na pighahalat pa gikan sa central office, dae ini nanangahulugan na dae na madadagos an implementasyon kan ley ngonian na aldaw.
Pinagtiripon naman kan opisyal an mga enforcers huli sa kamawotan na urog na knowledgeable asin mai-eksplikar nin tanos an enforcement sa mha piglalaoman na matatawanan nin warning.
Ipigsuhetiyon pa kaini na mas magigin epektibo suboot an nasambit na ley sa tabang kan mga gadgets siring kan camera kun saen an makukuhaan na footage an pwedesir pang gamiton bilang ebidensya.
Kaibanan sa mga sakop kan nasambit na ley an pagbabawal sa mga drayber na magamit nin mga communication device mientras na nagda-drive o paramientras na nagpundo sa traffic light o intersection siring man an multang puon P5,000 hasta sa P20, 000 pesos sa last offense kasabay kan pormal na kanselasyon kan lisensya.
