LEGAZPI CITY- Dae pa man pormal na nakaka abot sa Senado asin maagi pa sa nagkapirang pagtukar sa plenaryo an impeachment kay Supreme Court Chief Justice Maria Lourdes Sereno, manlaen laen na reaksyon na an nakukua kaini hali sa mga senador.
Sa ekslusibong intrevista kan Bombo Radyo Legazpi kay Senate Committee on Justice and Human Rights chair Senator Richard Gordon, nanghihinayang suboot ini asin namumundo sa pangyayari alagad dae man maiibitaran an proseso sa nasyon.
Katakod kaini, segun ki Gordon kinakaipuhan na magpili nin matibay na pamayo kan hudikatura na bako pa joven asin asin komon talaga suboot an dae pagkakasinabutan sa may mga edad na asin iba pang pag-iriba sa serbisyo.
Enkaso man suboot na magtrayumpo an ‘quo warranto petition’ ni Solicitor General Jose Callida, wara na man na impeachment na mangyayari huli ta nabakante na an posisyon asin maikokunsiderar na invalid an appointment kay Sereno.
Mientrastanto, pigduon ni Gordon na habo pa niyang maghusga ngunyan urog pang magiging judge man sa impeachment alagad dae man suboot niya pigmamawot na basta-basta ma-impeach an punong mahistrado.
