LEGAZPI CITY- Pigkokunsiderar na makasaysayan sa lado kan politika sa Pilipinas an impeachment complaint na ipigsunad kontra ki Vice President Sara Duterte.
Segun kay Akbayan Partylist Representative Perci Cendaña sa intrevista kan Bombo Radyo Legazpi na ini an enot na pagkakataon na may impeachment compalaint an ikaduwa sa pinakahalangkaw na lider kan nacion.
Makasaysayan man an pagsunad nin huli ta 16 an nagin compalainant na gikan sa manlaen-laing sector na nakahiling asin nakarisa kun pano inabuso kan bise presidente an saiyang poder asin kung pano kaini pigbulsa an kaban kan nasyon.
Dugang pa kan kongresista na mapoon sa Kamara an pagsagibo nin impeachment proceedings asin pag-oolayan sa plenaryo na papangenotan kan appropriate committe asin kinakaipuhan nin labi 105 votes nganing maibalyo sa senado an impeachment compalaint.
Pigtawan doon man ni Rep. Cendaña na kinaipuhan nin sarong kongresista nganing matrayumpong ma-iendorso an impeachment complaint sa Kamara de Representantes asin bako lang mga kontra kay VP Sara an mga nagfile kundi an mga grupo na nakahiling kan saiyang pag-abuso sa kapangyarihan.
Nangapudan man ini sa Kamara asin Senado na magtao nin impartial asin fair treatment sa isasagibong trial nganing matawan nin hustisya an bako tamang paggastos kan buwis kan mga namamanwaan.
Pangapodan ni Rep. Cendaña sa mga supporters ni VP Sara na magin bukas an pag-iisip asin dae magbuta-butahan nin huli ta nakasalalay digdi an national interest asin pag-bayolar sa konstitusyon.
