Pigsierto kan National Police Commission (NAPOLCOM) na magigin patas an saindang imbestigasyon kontra sa 12 pulis na imbwelto sa kaso kan nawawarang mga sabungero.
Kun magigirumdoman, nagpataw an komisyon nin 90-aldaw na preventive suspension sa nasambitang numero kan mga opisyales kan pulisya.
Sa sarong pahayag ni NAPOLCOM Vice Chairperson asin Executive Officer Rafael Vicente Calinisan, an katuyuhan kan lakdang iyo na mamantenir an integridad kan imbestigasyon.
Makakatabang man ini na malikayan an anuman na impluwensya sa mga testigo asin ebidensya na ilalatag.
Kabale sa mga suspendido iyo sinda Police Colonel Jacinto Malinao Jr., Police Lieutenant Colonel Ryan Jay Eliab Orapa, Police Major Mark Philip Simborio Almedilla, asin iba pa.
Kinasuhan sinda nin Grave Misconduct asin Conduct Unbecoming of a Police Officer.
Kabali sinda sa mga inakusaran kan whistle blower na si Julie ‘Dondon’ Patidongan katakod kan pagkawara asin paggadan kan mga nawawarang sabungero.
 has assured that its investigation against the 12 policemen involved in the case of the missing sabungero will be fair.){kind=link}