Ipigrekomendar ni Independent Commission for Infrastructure (ICI) Chairman Andres Reyes Jr. na padiit-diit na nindang tatapuson an saindang operasyon.
Sinabi ni Reyes na isinumiter na ninda sa Office of the Ombudsman an gabos na dokumento, evidencia, asin findings na saindang natipon sa saindang pag-imbestigar sa mga flood control projects.
Idinagdag pa ni Reyes na nagmukna an komisyon nin sarong investigative framework asin methodology na pwedesir gamiton o arogon kan mga statutory prosecutorial agencies sa pagsiyasat kan mga maanomalyang infrastructure projects.
Nagsumiter man an ICI nin siyam na mga referrals na sakop an 65 indibidwal sa Office of the Ombudsman asin pigka-olay an 20 ahensya sa Technical Working Group for Asset Recovery.
Huli kaini, sinabi ni Reyes na nagtutubod siya na naotob kan ICI an mandato kaini sa irarom kan Executive Order No. 94.
Sinabi ni Reyes na magtetenir na operational an ICI hasta sa Marso 31, 2026 nganing kumpletohon an mga kinakaipuhan na administrative processes mantang luway-luway nindang pigsasara an ICI.
Kasabay kaini, nangapudan ini sa Kongreso na aksyonan tulos an mga pendienteng bill para sa pagbilog kan Independent People’s Commission asin Independent Commission Against Infrastructure Corruption.
 Chairman Andres Reyes Jr. recommended that they gradually end their operation.){kind=link}