LEGAZPI CITY-Naghahanap giraray an International Criminal Court (ICC) kan mga Filipino o Tagalog asin Cebuano freelance transcriber.
Marurumduman na kan nakalihis na taon, enot nang ipinaskil kan ICC an anunsyo para sa mga indibidwal na eksperto sa nasabing lingwahe.
Basado sa regulasyon kan ICC, an deadline kan pagsumiter kan aplikasyon an hasta sa Disyembre 31, 2025.
Mahigot man na pigpapagurumdom kan ICC na an nasabing deadline an basado sa time zone kan The Hague, Netherlands.
Enkaso suboot na maglagpas sa alas-dose nin pag-kabanggi kan Disyembre 31, oras sa The Hague, an dai na tatanggapon pa kan international tribunal an mga aplikasyon, anumang oras sa nacion kun sain hale an sarong aplikante.
Presente man giraray na naka-detine si dating Presidente Rodrigo Duterte sa ICC Detention Center makalihis siyang arestuhon sa Pilipinas kan Marso asin tuluyang isinuko sa international tribunal.
