Nilinaw kan International Criminal Court (ICC) na ang desisyon man giraray kan mga judges ninda kun tutugutan an kahagadan ni dating Presidente Rodrigo Duterte na dae mag-atendir nin personal sa confirmation of charges hearing sa masunod na semana.
Susog sa ICC na saro sana ining kahagadan hale sa defense asin an mga ICC judges sana an madesisyon kun tutugutan ini.
Reaksyon ini kan ICC sa ginibong pagsurat ni Duterte na nag-waive ini kan saiyang direchos nganing mag-atendir sa hearing puon Pebrero 23 sagkod Pebrero 27.
Sinunadan kan ICC Prosecutor ang dating Presidente nin 49 insidente nin murder asin attempted murder mantang ipigpapaoton kaini an operasyon kontra droga.
