LEGAZPI CITY-Ipigsugo kan International Criminal Court Trial Chamber III an panibagong komprehensibong medical examination ki dating Presidente Rodrigo Duterte.
Katuyuhan kaini, iyo an madeterminaran an saiyang kakayahan na magtindog sa paglilitis, na mapoon sa Nobyembre 30.
Sa desisyon na ipinaluwas kan Hunyo 12, pig-aktibo giraray an multidisciplinary medical panel na nagkokondusir kan evaluation kan dating presidente para sa saiyang pre-trial phase.
Enot nang naghagad an grupo kan depensa kan ebalwasyon kan Mayo 25, kun saen kinontra ninda an enot na desisyon kan korte na siya maninigong magtindog sa paglilitis.
Nahahampang an dating presidente sa crime against humanity huli sa saiyang madugong kampanya kontra iligal na droga.
